Burgje të pastra dhe të sigurta: Vijojnë kontrollet për forcimin e sigurisë në IEVP-të e vendit

Në vijim të punës së përditshme për garantimin e rendit dhe sigurisë në institucionet penitenciare, janë zhvilluar kontrolle në IEVP Korçë, Fier dhe Rrogozhinë, me qëllim parandalimin e futjes dhe posedimit të sendeve të ndaluara.

Gjatë kontrolleve të ushtruara:

Në IEVP Korçë u gjet dhe sekuestrua një aparat celular iPhone 15.

Në IEVP Fier u konstatua dhe sekuestrua një aparat celular së bashku me karikuesin.

Në IEVP Rrogozhinë u sekuestruan dy aparate celularë (Samsung dhe iPhone), si dhe mjete prerëse të përgatitura në mënyrë artizanale.

Për të gjitha rastet u morën masat procedurale përkatëse dhe u njoftua Agjencia e Mbikëqyrjes në Sistemin e Ekzekutimit të Vendimeve Penale për ndjekjen e mëtejshme të rasteve.

Drejtoria e Përgjithshme e Burgjeve mbetet e angazhuar në garantimin e rendit dhe sigurisë në institucionet penitenciare, përmes kontrolleve të vazhdueshme dhe masave parandaluese