Drejtori i Përgjithshëm i Burgjeve, z. Adriatik Kupi, priti në takim zyrtar delegacionin e Agjencisë së Bashkimit Evropian për Drogërat (EUDA)

Në takim morën pjesë  përfaqësues të Observatorit Kombëtar të Drogave, pranë Ministrisë së Shëndetësisë dhe Mirëqenies Sociale, si dhe të Njësisë së Paralajmërimit të Hershëm, pranë Policisë së Shtetit.

Gjatë takimit u diskutua mbi forcimin e bashkëpunimit ndërinstitucional, shkëmbimin e praktikave më të mira evropiane, si dhe mbi mekanizmat e sinjalizimit të hershëm, monitorimit dhe identifikimit të substancave narkotike dhe dukurive të lidhura me to në institucionet e ekzekutimit të vendimeve penale.

Takimi u zhvillua në frymën e bashkëpunimit dhe angazhimit të përbashkët për forcimin e kapaciteteve institucionale dhe përafrimin e praktikave me standardet e Bashkimit Evropian në fushën e monitorimit dhe trajtimit të problematikave që lidhen me drogërat.