IEVP Shkodër

Historiku

Institucioni i Ekzekutimit të Vendimeve Penale (IEVP) Shkodër, me adresë në Reç të Malësisë së Madhe, u inaugurua më 1 gusht 2018 dhe nisi funksionimin si një nga institucionet penitenciare më moderne në Republikën e Shqipërisë. Institucioni u ndërtua me bashkëfinancimin e Bashkimit Evropian dhe të Qeverisë Shqiptare, me synim përmirësimin e kushteve të sistemit penitenciar dhe reduktimin e fenomenit të mbipopullimit në burgje. Ai është projektuar sipas standardeve evropiane për trajtimin e personave të privuar nga liria dhe ka një kapacitet prej 780 personash, të dënuar dhe të paraburgosur.

IEVP Shkodër ka për mision ekzekutimin e vendimeve penale, duke garantuar sigurinë, respektimin e të drejtave të personave të privuar nga liria, si dhe zbatimin e programeve të rehabilitimit dhe risocializimit, në përputhje me legjislacionin shqiptar dhe standardet ndërkombëtare.

Institucioni është i organizuar në:

• 3 godina të sigurisë së zakonshme;

• 1 godinë të sigurisë së lartë;

• 1 godinë të shërbimeve mbështetëse, ku përfshihen kuzhina, ambientet e takimeve me familjarët, sektori i veçantë, sektori i observimit, sektori i veçimit, lavanderia dhe shërbimet shëndetësore;

• 1 godinë të Policisë së Burgjeve;

• 1 godinë të Administratës.

Në përputhje me ligjin “Për të drejtat dhe trajtimin e të dënuarve me burgim dhe të paraburgosurve”, IEVP Shkodër garanton trajtim dinjitoz për personat e privuar nga liria, akses në shërbime shëndetësore, psikologjike, sociale dhe edukative, si dhe krijon mundësi për zhvillimin e aktiviteteve rehabilituese dhe profesionale, me qëllim riintegrimin e tyre në shoqëri pas përfundimit të dënimit.

Aktivitetet

Aktivitetet kryesore që zhvillohen në IEVP Shkodër janë:

• Kurse profesionale dhe formim profesional.

• Aktivitete arsimore dhe edukative.

• Veprimtari kulturore dhe artistike.

• Aktivitete sportive dhe rekreative.

• Aktivitete fetare në bashkëpunim me komunitetet fetare.

• Programe rehabilitimi dhe risocializimi.

• Aktivitete me karakter kulturor dhe festiv me rastin e festave kombëtare dhe fetare.

Shërbimet që Ofrohen

Në IEVP Shkodër ofrohen këto shërbime:

• Shërbim shëndetësor 24 orë.

• Shërbim psikologjik dhe psiko-social.

• Shërbim stomatologjik dhe farmaceutik.

• Asistencë sociale dhe juridike sipas legjislacionit në fuqi.

• Programe rehabilituese dhe terapeutike.

• Bibliotekë dhe ambiente për aktivitete edukative.

• Mundësi punësimi dhe formimi profesional për personat e privuar nga liria.

• Numër kontakti: 068 605 6023